I am learning toki pona and this is where I write about what I am doing in toki pona.
You can visit my website for more info on toki pona.
English translations for this blog can be found here.
The material on this toki pona website was written by Dave and is released under Creative Commons license.

Wednesday, August 28, 2013

tenpo suno MLK

tenpo suno ni la jan Mewika li awen e sona pi mije Kin.
mije Kin li pana pona tawa jan pimeja.
jan pimeja li olin e mije Kin.
jan mute li tawa poka mije Kin lon ma tomo mute.
mije Kin li toki e nimi sona.
mije ike li moli e mije Kin.
ni li ike mute tawa jan Mewika.

Wednesday, February 27, 2013

kon wawa Nemo

tenpo mun luka pini la mi kama jo e ilo sin.
ilo ni li tawa e telo lete walo.
mi pana e mani tawa jan pona mi.
jan pona mi li tawa ma tomo Atanta.
ilo ni li pona tawa mi.
tenpo lili pini la kon wawa Nemo li kama tawa ma mi.
telo lete walo mute li anpa.
mi tawa e telo lete walo kepeken ilo sin mi.


Monday, June 25, 2012

len mi li anpa.

mi jo e tomo lili lon insa tomo mi.
mi pana e len mi lon insa tomo lili ni.
palisa li lon sewi len mi.
tenpo suno pini la palisa ni li anpa.
len mi li anpa tawa anpa.
pakala!
mi weka e len mi tan tomo lili.
mi pona e palisa pakala.
mi pana e len mi lon insa tomo lili sin.
ni li ike tawa mi.

Thursday, June 14, 2012

poka mi

tenpo mun luka pini la poka mi li pakala mute.
tenpo ni la poka mi li pakala lili.
mi pali e tawa pona kepeken sijelo mi.
tawa pona li pona e poka mi.

Wednesday, June 6, 2012

mun Wenu li lon suno

tenpo suno pini la mun Wenu li tawa sewi e suno.
jan mute li lukin e suno.
jan mute li lukin e ijo pimeja lili lon suno.
mun Wenu li lukin sama pipi lili.
mi wile lukin e suno.
mi ken ala lukin e suno.
tenpo suno pini la ijo walo pimeja li lon sewi.
telo li anpa.
ni li ike tawa mi.
jan sona pi ma ante li pali e sitelen.

Saturday, June 2, 2012

tomo lili mi

tenpo pini suli la mi sitelen ala lon lipu ni.
mi ike.
tenpo kama la mi wile sitelen sin.

tenpo kama lili la mi wile pali e tomo lili.
mi pali e tomo lili lon ma monsi tomo suli mi.
mi kama jo e nasin pi pali tomo.
mi wile pana e ilo mi lon insa pi tomo lili mi.
tenpo ni la ilo mi li lon insa tomo pi tomo tawa mi.
mi ken ala pana e tomo tawa mi lon insa tomo pi tomo tawa mi.
sina ken lukin e nasin pi tomo lili mi lon lipu ni:
http://sonomashanty.blogspot.com/

Thursday, January 26, 2012

poka mi li pakala

mi jo ala e tenpo sike mute.
mi pilin sama ni: mi jo e tenpo sike mute.
mi pilin ike lon poka mi.
mi ken ala tawa pona e noka mi.
mi tawa tomo pali pi jan pi pona sijelo.
jan pi pona sijelo li toki e ni: poka mi li pakala.
jan pi pona sijelo li wile e ni: jan li pana e poka sin tawa mi.
poka sin li ilo.
jan pi pona sijelo li wile pana e ilo ni lon insa sijelo mi.
ni li ike tawa mi.
mi wile awen e poka mi.